For assistentar

Spør assistenten din

hendingar.no er ein MCP-tenar. Kopla han til Claude, ChatGPT eller ein annan KI-assistent, så svarar han på kva som skjer ut frå lista her — med lenkje og kjelde — i staden for å gjette.

Adressa

https://hendingar.no/mcp

Slik koplar du til

  1. Claude

    Opne innstillingane, og finn «Connectors» (koplingar).

    Vel «Add custom connector», gi han namnet hendingar og lim inn adressa.

    Spør til dømes: «Kva skjer på Stord i helga?»

  2. ChatGPT

    Slå på utviklarmodus under «Apps & Connectors» i innstillingane.

    Lag ei ny kopling med adressa over, utan innlogging.

  3. Claude Code

    Køyr dette i terminalen:

    claude mcp add --transport http hendingar https://hendingar.no/mcp

  4. Cursor, VS Code og andre

    Legg til ein MCP-tenar av typen HTTP med adressa over. I ei mcp.json ser det slik ut:

    {
	"mcpServers": {
		"hendingar": { "url": "https://hendingar.no/mcp" }
	}
}

Kva han kan finne

  • Søkje i alle komande hendingar, etter ord, kategori, stad, kjelde eller tidsrom
  • Hente ei hending i sin heilskap — skildring, adresse, billettlenkje og kvar ho kom frå
  • Ein bestemt dag, denne eller neste helg, eller ei heil veke
  • Kva dagar det skjer mest, månad for månad
  • Faste aktivitetar med timeplan, og stader som alltid er opne
  • Kuratoren sine tre val for helga, med grunngjeving
  • Kva kjelder vi hentar frå, og når dei sist vart henta
  • Vise det han tilrår som kort med plakat, tid, stad og knappar for kalender og billettar — i assistentar som kan teikne dei

Det vi lovar

  • Berre lesing. Ein assistent kan ikkje sende inn, endre eller hjarte noko. Vil du leggje til ei hending, gjer du det på /send-inn.
  • Ingen innlogging og ingen nøkkel. Det er dei same opplysningane som står på sida.
  • Vi lagrar ikkje kva assistenten spør etter — ikkje søkjeorda, ikkje kva hending, ikkje kven.
  • Kvar hending kjem med lenkja si hit og namnet på kjelda, så svaret alltid kan sjekkast.

Model Context Protocol er ein open standard for å gi KI-assistentar tilgang til data. Tenaren er open kjeldekode, som resten av sida.